حوار مع جدتي ,,, حتحور

سلسلة حكايات مفيدة  بين الجدة والحفيدة

يا ترى هتكون عن إيه ؟!!!

 البساطة أم الاختراع

 

مش كل افتكاسة ... كياسة 

 

ساعات البساطة بتكون أذكى كتيييير من كتر التفكير

خلينا نتعامل ببساطة وبلاش تعقيد 

" شكلك مريح للأعصاب"

جملة رقيقة لما تتقال أكيد أثرها بيكون جميل في النفس وبتسعد لكن العجيب برغم رقتها إنما يمكن أن تحوي داخلها معنى غير محبب يعني مثلا انها مش جميلة لكن وجهها مريح للاعصاب أو مش حلوة وملامحها عادية لكن مش بطالة.

أما لو اتقال"جمالك مريح للأعصاب"
هنا تفرق لأن ده معناه إنها جميلة بالفعل وفوق ده جمالها مميز لأنه مريح للأعصاب

الكلام الحلو كتير لكن أثره بيختلف
زي الدوا اللي ممكن يكون بيعالج لكن له أثار "رذلة"  شوية

راقب كلماتك متكونش عشوائي


وفي سياق أخر
 مش كل حاجة بتبسطنا وبتدغدغ مشاعرنا تبقى حلوة أو ملهاش بعد تاني ممكن يكون مؤذي أحيانًا

 الكلام ده على الكلام اللي بنسمعه من اللي حوالينا أو من رجل دين أو من مثقف أو إعلامي أو حتى أغنية أو فيلم أو كتاب .

العقل والمنطق هما الحاجة اللي بتضمن عدم تأثرنا سلبًا بالمعسول من الكلام نستمتع بيه لكن ميغيرش جوانا حاجة بصورة سلبية.

لأنه مش بيعبر غير عن اللي قاله وعن أفكاره وتربيته وتعليمه لكن لا يلزم غيره.